70-с сылларга Орто Бүлүүгэ олорбуттаахпын. Онно биир дьикти түбэлтэни истибитим. Биир эдэр киһи күһүөрү Лөкөчөөнтөн Дьөккөҥҥө диэри сатыы айаннаан испит. 

Борук-сорук буолбут, айылҕа иһийбит... Айанньыт түҥкүр-таҥкыр түспүт, дэлби сылайбыт. Арай ол истэҕинэ, айанын суолуттан тэйиччи кутаа уот күлүмнүүрэ көстөр үһү. Сэниэтэ эстибит, дэлби илистибит киһи «Һуу, хата, хайа эрэ булчут кэлэн кутаалана олордоҕо!» диэн, иһигэр сүрдээҕин үөрбүт. Суолуттан туораат, уот диэки барбыт. Үөрүүтүттэн сэниэ эбиллибиккэ дылы буолбут. Чугаһаан көрбүтэ, булчут буолбакка, кулуһуну дьон бөҕө тулалаан олорор эбит. Кини иһэригэр тоҕо эрэ кыһаллыбатахтар. Киһибит кыратык сэрэхэдийэн, маҥнай мас хойуу лабаатын кэнниттэн уоран кэтээбит. Тас дьүһүннэрин өйдөөн көрбүтэ – киһи сатаан ойуулаабат, киһиттэн атын «күтүрдэр» олорор эбиттэр, өссө мөккүһэллэр эбит: «Быйыл эдэрдэри эрэ ылабыт!». Итинник диэн хатан баҕайы саҥаны истээт, киһибит атахха биллэрбит. Дэриэбинэҕэ хайдах баар буолбутун өйдөөмүнэ хаалбыт. Ыксаан, аҕылаан-мэҥилээн кэлбит киһини көрөн, олохтоохтор туох буолбутун туоһуласпыттар. Киһибит туох баарынан кэпсээн биэрбитигэр күлэн эрэ кэбиспиттэр.

 

Кыһын буолбут. Эдэр дьон тыраахтарынан күөл мууһугар киирэн иһэн быстахха былдьаммыттар, ол кэннэ дэриэбинэҕэ хас да киһи оһолго түбэһэн суорума суолламмыт. Ол түбэлтэлэр буолбуттарын кэннэ, били киүи кэпсээнин саныыллара үһү.

 

Автора суруллубатах. http://www.kyym.ru - сайттан