Бу бэйэм түбэспит түбэлтэбин кэпсиэм. Усть-Яна районугар Хайыыр диэн дэриэбинэ баар, муора аттыгар. Онно эһээлэхпэр тийбитим. Дьэ оннук икки хоннум. Ол кэннэ эһээм: муораҕа баран балыктыах - диэтэ. Онно мин тута сөбүлэстим, чункуйан хайа муҥун олоруохпунуй диэн.
Чэ оннук курдук айаннаатыбыт, аара суолга Ноколу диэн бырааппын ыллыбыт, киһибит үөрүүнү кытта барыста. Дьэ муораҕа тахсан айаннаан уста турдубут. Арыыларга эһээм илим уурар эбит. Ол тиийэн дьэ күнү супту балык хомуйдубут, өр соҕус буолан баран эһээм "чэ хараҥаран эрэр, диэлиэх" диэтэ. Төттөрү айанаатыбыт. Ол эрэн тоҕо эрэ өр да өр айаннаатыбыт. Устан иһэн көрбүппэр биир кыра хайачаан баара, кыра арыы диэбит курдук, ол сиргэ төннө турабыт, мин уже ыксаан киирэн бардым, эһээм эмиэ соһуччу баҕайы буолла, бэйэтигэр тугу эрэ ботугуруур, истибиппэр "хайдах хайдаҕый" эҥин диир. Онуоха толкуйдаатым, эһээм онтон үйэтин тухары ити сиринэн сылдьыбыт киһи буоллаҕа, онтон эмискэ быраатым күлэн тоҕо барда, мин кыйаханаммын матырылаан баран түөскэ саайдым, ол кэннэ быраатым ытаан барда. Эһээм инник кыныма диэн баран ууттан тугу эрэ көрдөһөн киирэн барда. Истэрбэр: "Баһаалыста оонньоон бүт биһигинниин, биһиги диэбитигэр барыахпытын баҕарабыт" дии - дии. хаста да хатылаан баран арыылаах килиэп бэристэ, дьэ уанна ол кэннэ устар суолбутун булар бөһүөлэккэ тийдибит. Мин үөрүү көтүү бөҕө, ол кэннэ аһаан хайаан баран утуйох диэн буолла. Быраатым биһиэхэ хонно. Утуйаары сытан кэпсиир: Мааҕын тоҕо киһини саайаҕын диэтэ, онно мин кыыһыран иһэн сирэйин көрбүтүм куттаммыт ахан, мин ол туох буоллун диэбиппэр мааҕын лоткаҕа олордохпуна туох эрэ кычыгылаппыта хоннохпуттан диэн саайда, куттанаммын эппэтэҕим диэтэ эбии. Ол түгэн кэннэ ол бөһүөлэккэ бара иликпин...
vk.com сайттан. Айтал Томсков суруйуута.