Сайын, от кэмэ саҕаланан биир ыал бугул бөҕө туруоран, астына ахан сыдьыбыттар. Арай биир куйаас күн от харбыы сырыттахтарына ыаллыы сытар сайылык диэкиттэн улахан баҕайы холорук иһэр эбит. Бары хаһыы - ыһыы буолан ыһылла - ыһылла куоппуттар. 

Мунньан сордоммут отторун биирдэ ытыйан ылан алаас ортотугар турар күөлгэ идьэн ыһан кэбиспит. Онтон өйдөөн көрбүттэрэ холорук ортотугар ким эрэ эргийэ эргийэ сүүрэ ахан сыдьар эбит. Улаханы толкуйдуу барбакка аҕалара саха быһаҕынан быраҕан саайбыт, ону кытта холоруктара сүтэн хаалбыт. Санаалара түһэн дэриэбинэҕэ хоно киирбиттэр. Тиийбиттэрэ билэр эмээхсиннэрэ, ыаллыы ходуһа ыал эбэлэрэ өлбүт үһү диэни истибитэр. Быһахха дэҥнэммит. Холорук буолан Сирин быдьаһа кэлэн баран кыаттарбыт. Уруккута ол ходуһа кинилэр сирдэрэ үһү. 

Vk.com сайттан. Алла Кашлакова суруйуута.