Ахсыс кылааһы бүтэрэн баран, сайыны быүа дьоммор сайылыкка тиэстэр буола сылдьыбыттааҕым. Оҕолор элбэх этибит. Дьэ күнү-түүнү быһа оонньооһун көрүлээһин, ый-хай бөҕө түһэрэрбит. Түүн ойуур быыһыгар сасыһа  оонньуурбут, эчи куттаммат да эбиппит! Биир күн табаарыстарбыт дьонноро дэриэбинэҕэ киирдилэр. Дьэ биһи ол дьиэҕэ мустан оонньоотубут. 

Айдаан-куйдаан, сүүрүү-көтүү бөҕө. Түүнү быһа күллүбүт. Арай эмискэ баҕайы, кэтэххэ бэрдэрбиттии, бары тэҥҥэ тохтоон хааллыбыт. Этим сааһа арылынна, туохтан эрэ куттанан киирэн бардыбыт. Уу-чумпу. Иһиттэхпитинэ кыра оҕо ытыыр курдук. Оннооҕор улахан оҕолорбут харахтара кэҥээн баран олороллор. Ыксаан, куттанан дьиэбитигэр ойон тиийбиппит дьоммут туран, биһигини иһиллии олороллор эбиттэр. Киирбиппитигэр мөҕө тоһуйдулар, сүр түргэнник ааны хатаатылар уонна утуйун диэтилэр. Сарсынытыгар алаадьы эҥин астаатылар быһылааҕа, номнуо чопчу өйдөөбөппүн, улахан дьон хаһыа да буолан, ол сайылыкка баар былыргы балаҕаҥҥа киирэ сылдьыбыттарын өйдүүбүн. Алаас кытыытыгар киһи уҥуоҕа эҥин баар этэ, биһиги онно куруук оонньуур этибит. Ол түгэн кэнниттэн, мин дэриэбинэбэр түргэн соҕустук кэлбитим уонна хаһан даҕаны сайылыкка сылдьыбат буолбутум.

Валя Сивцева суруйуута. Http://vk.com сайттан Сэт. 6 к. 2010