Маны миэхэ мин ийэм кэпсээбитэ. Ааспыт сылга болбута. Кыһын. Киэһээ, хараҥа. Ийэм ыаллартан күүлэйдээн кэлэн испит. Дьиэбит уулусса нөҥүө турар. Хата кэллим диэн үөрбүт.
 

Арай сылгылар туйахтарын тыаһа бөҕө үһү. "Чэ бу сылгылар аастыннар" - диэн суол кытыытыгар кэтэһэн турбут. Ааспыттар. Биһиги уулуссабыт лампата суох, ол иһин хабыс хараҥа, онон туох да көстүбэт үһү. Арай оскуолабыт диэки уот баар, ол уот сырдыгар даҕатан көрбүтэ туох да суох үһү, биир да сылгы көстүбэт. Ону ийэм көрөн баран ынырыгын куттаммыт. Биһиги диэки киһи уҥуохтара бааллар, көстөн тураллар. Ол диэккиттэн кэлбиттэр үһү, били сылгылар туйахтарын тыаһа, уонна дэриэбинэбит диэки киирэ турбуттар. Сарсыныгар дэриэбинэбитигэр биир киһи өлбүт сураҕа иһиллибитэ. Ону эппитэ: "Киһини ыла кэлбиттэр эбит" - диэн.

Екатерина Еремеева суруйуута http://vk.com сайттан. Алт. 11 к. 2010 10:16