Эрилик Эристиин “Маарыкчаан ыччаттара” арамааныгар тас дьүһүнэ, ис сигилитэ, бэл, төрдө-ууһа кытта – барыта олус сиһилии, үүт-маас ойууламмыт омсолоох уобарас баар. Ол – Мейер Едлин. Айымньыттан бу киһи кимэ-туга барыта ырылыччы көстөн тахсар. Холобур, кини туһунан Эрилик Эристиин маннык суруйар:

1918 с., Саха сиригэр Сэбиэскэй былаас сууллубутун кэннэ, Н.И. Снитко хамандыырдаах кыһыл этэрээтэ Бороҕон сиринэн эргийэн, Боотуруускай улууһун Сылаҥ нэһилиэгин диэки кэлбитэ. Кинилэр салгыы Тааттанан Охуоскай, Владивосток диэки түһэр былааннаахтара.

"Кыым" хаһыакка суруналыыс В.Степанов "Билиистээх кыргыһыытын үрүҥ бээтинэлэрэ" диэн суруйуутун иккис нүөмэригэр тахсыбыт хаартыскаҕа саха үс ньургун уолаттарыттан үһүс киһи ааттамматах. Мин сабаҕалааһыммынан, С.М. Михайловтыын ытык ыаллар Соловьевтар, Лепчиковтар ыччаттара, өрөбөлүүссүйэ иннинэ  70 төгүрүк сыл кэриҥэ чэлгийэ сайдан испит Илин Хаҥалас улууһун тиһэх кулубата И.Г. Соловьев-Баанньа Солобуйуоп сэргэстэһэ олорор. И.Г. Соловьев 1891 с. бэс ыйын 23 күнүгэр Иркутскай куоракка оччолорго улуу кинээс Н.А. Романовы, кэлин Николай II ыраахтааҕыны сахалар ааттарыттан В.В. Никифоров-Күлүмнүүр салайбыт дэлэгээссийэтигэр киирэн көєрсөєн турардаах.

Саха сирэ өрөбөлүүссүйэ иннинэ уобалас дэнэрэ, ону күбүрүнээтэр салайара. Саха уобалаһын күбүрүнээтэрэ Илин Сибиир генерал-күбүрүнээтэригэр бас бэринэрэ.