К.Ө.Боппуоп, Илин Хаҥалас улууһа, Хачыкаат нэһилиэгин олохтооҕо. С.П.Б. диэн киһи сэһэнин Д.И.Меликов суруйбутуттан.

Урааҥхай кыраайыттан сахалар (саха туспа биис ууһа дьон) хамнаан, олохторуттан хотугулуу-арҕаа көһөн иһэн бэрээт омук сиригэ, Байкал күөл тулатыгар тохтоон олорбуттар, онно кинилэр олоро сылдьыбыттарыттан билиҥҥэ дылы Ат Дабаан, Оҕус Дабаан, Хаамар Дабаан той диэн ааттардаах дойдулар бааллар үһү.

Ол дойдуттан сахалар иккиһин көһөн хоту диэки бараллар. Ол баран иһэн өлүөхүмэ үрэҕин быһан, булан, өрүһүнэн Өлүөхүмэнэн таҥнаран, Өлүөнэ өрүскэ түһэн, биир улахан арыыны булан, ол арыыны Кыыллаах Арыы диэн ааттаан тохтууллар. Ол арыыттан хас да оруода буолан сорохторо Өлүөнэнэн таҥнараллар, ол таҥнаран билиҥҥи Дьокуускай оннун - Сайсарыны булан олороллор, биир оруода үөһээ өрүстэн (соҕолоон) Өлүөхүмэнэн айаннаан Кириҥкэҕэ тиийэн олохсуйаллар, сорох оруодалар хоту туораанБүлүү өрүһүн булан, таҥнаран билигин Ньурба диэн дойдунан олоҕурбуттар. Бэрт аҕыйах дьон Кыыллаах Арыынан, Өлүөхүмэ үрэҕинэн хааланнар олохсуйбуттар.

Сахалар ол кэлиилэригэр ити ааттаммыт Өлүөнэ өрүс дойдуларыгар олохтоох оруодаларын көссөн үтүрүйбүттэрэ үһү.

Сэһэн Боло.