Састааба:
- Куурусса түөһэ эбэтэр буута - 500-600 г.
- Туус, биэрэс.
Иһигэр угарга:
- Сымыыт - 3 устуука.
- 1-2 эриэппэ луук.
- 50 г. - кытаанах сыыр.
- Петрушка эбэтэр укроп.
- Мас арыыта
- Туус, биэрэс.
Кууруссан этин сууй уонна куурт. Эккин эрий, туустаа, биэрэстээ уонна фарш оҥор. Сымыыттаргын төкүнүктүү буһар, кыра гына кырбаа. Лууккун кырбаанбаран ыһаарылаа. Сымыыккын лууккун кытта булкуй. Сыыргын түөркэлээ. Петрушкаҕын эмиэ кыра гына кырбаа.
Остуолга ас пүлүөнкэтин тэлгэт - 20х20 см түөрт муннукта кырый. Ол үрдүгэр фаршкын уур, тэҥ гына тарҕат. Олус тилэри гына тарҕатыма. Ол үрдүгэр сыыргын уонна петрушкаҕын табыгынат. Сыыр үрдүгэр лууктаах сымыыккын тэлгэт. Сэрэнэн түүрэ тардан халбаһыы курдук быһыылаа. Ити курдук хас да халбаһыны оҥоруохха сөп. Халбаһыларгын мас арыытыгар саһарчы буһар. Ол кэннэ 180 кыраадыс итиигэ 15 мүнүүтэ буһар. Үрдүгэр сүөгэйинэн быһавн баран ыалдьыттаргын күндүлээ.
"Кыым" хаһыат. 26. 04. 2012 сыл. автора суох.