Састааба:
- 300-400 г. сибиинньэ этэ.
- 4-5 устуука хортуоппуй
- 1 устуука болгар биэрэһэ
- 1 устуука помидор
- 1 устуука орто маринованнай оҕурсу
- 1 устуука эриэппэ луук
- 2 "тиис" чосунуок
- 200 г. сыыр
- Майаныас
- Петрушка
- Укроп
- Туус
- Хара биэрэс
Сибиинньэ этин сууйан-сотон, куурдан баран 1 см халыҥнаах гына кырбастаа, икки өттүттэн дөлбү эллээн биэр. Туустаа, биэрэстээ. Хортуоппуйу ыраастаан синньигэс гына кырбаа. Ол кэннэ хобордооххо мас арыытыгарыһаарылаан ыл. Сыыргын теркалаа. Помидоргун сууй уонна кубиктыы кырбаа. Биэрэскин сууйан, иһин ыраастаан баран эмиэ кубиктыы кырбаа. Лууккун кыра гына кырбаа. Оҕурсугун эмиэ кыра гына кырбаа. Чосунуоккун аналлаах тэрилинэн ык.
Оҕуруот астарын барытын булкуй. сыырын аҥаарын кут, майаныастаа уонна хааһы курдук булкуй. Арыынан биһиллибит буһарыахтаах иһиккэр сибиинньэн этин тэлгээ, үрдүгэр чосонуогун аҥаарын табыгынат. Этин үрдүгэр ыһаарыламмыт хортуоппуйгун уур, туустаа, биэрэстээ. Саамай үрдүгэр майаныастаах оҕуруотун аһын тэҥнээн кут.
Аскын 25-30 мүнүүтэ 180 итии кыраадыска духуопкаҕа буһар. Ол кэннэ хостоон ылан хаалбыт сыыргын үрдүгэр кутан баран өссө 10 мүнүүтэ буһар.
10-15 мүнүүтэ туруора түһэн баран остуолга уур. Үрдүгэр петрушканы эбэтэр укуруобу кутан тупсаран, киэргэтэн биэриэххэ сөп.
Кыым 2012 сыл кулун тутар 29 күнэ.