|
.
|
|
Билигин
сайтка 4 киһи
баар
|
Сотору:
1 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
3 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
5 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
7 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
12 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
13 күнүнэн: 22.06.2025 Саамай уһун күн.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Тэллэйдээх куурусса
- Куурусса этэ 500 г.
- Шампиньон 300 г.
- Сүөгэй 100 г.
- Биир орто луук
- Оливка арыыта
- Лимон утаҕа
- Туус
- Биэрэс
Кууруссабыт этин хаптачы ньыһыйабыт, улахан гына кырбастыыбыт. Миискэҕэ 2-3 ост. ньуоска оливка арыытын, лимон утаҕын кытта булкуйабыт. Кууруссабытын тууһунан уонна биэрэһинэн сотобут, онтон били миискэбитигэр уган кэбиһэбит. Хаппаҕын ыарахан сээкэйинэн баттатан, халадьыынньыкка 10-15 мүнүүтэ туруорабыт. Луугу кып-кыра гына кырбастыыбыт. Хобордооххо оливка арыытын сылытан луукпутун, онтон кууруссабыт этин ыһаарылыыбыт. Сөп буолбутун кэннэ хостоон таһааран баран, тэллэйбитин сүөгэй кутан буһуор диэри туруорабыт. Онтон кууруссабыт үрдүгэр уурабыт, отунан, оҕуруот аһынан киэргэтэбит. "Кыым" хаһыат. тохсунньу 19 күнэ 2012 сыл.
Суруйда Baaska. 2012-02-12 12:19:42 +10.
|
|
^ Үөһээ
|
|
|