600 г. эти чараас гына бысталаан баран ньыһыйыҥ, сөбүлүүргүтүнэн тумалаан, туустаан уонна ууга буһарын. Онтон 50 г. күөх гороҕу кутун, сөп буолуор диэри буһарын.
Ириискэ, сойбутун кэннэ, икки буспут сымыыты, биэрэһи уонна петрушканы кутан булкуйун. Бу маассаны эккэ уурун уонна рулеттыы суулаан, маҥан сабынан сөллүбэт гына баайын, кыратык мас арыытыгар ыһаарылаан. Онтон кырбаныллыбыт эриэппэ луугу кутун, уута эбин уонна хаппахтаан баран сөп буолуор диэри буһарын. Буспут рулеты саптарын ылын, чараас гына бысталаан, бүлүүһэҕэ уурун, помидорунан, күөх үүнээйинэн киэргэтин.
"Саха ыалын халандаара - 2012"