Сандалы бэрэскини оҥорууга:

• 1,1 килограмм бурдук
• 1,5 ыстакаан сүөгэй (25 бырыһыаннаах)
• 2 устуука сымыыт

• Ыстакаантан арыый ордук оргуйбут уу
• 5 грамм суода
• 10 грамм туус тиэстэтигэр анаан ылыллар.

Бэрэски фаршыгар:

• 900 грамм уҥуоҕа суох убаһа этэ
• 200 грамм хаһа
• 150 грамм эриэппэ луук
• 150 грамм буспут рис
• Тума
• Туус

Сандалыны буһарыыга кулинарнай сыа туһаныллар. Сүөгэйи, ууну, сымыыты, тууһу, суоданы холбуу кутуллар уонна үчүгэйдик булкуйуллар. ити кэнниттэн сиидэлэммит бурдук кутуллан мэһийиллэр. Тиэстэтин 15 мүнүүтэ туруора түһүллэр. Убаһа этин быһаҕынан бытархай гына кырбаныллар.

Хаһаны, луугу, биэрэһи, тууһу эккэ холбонуллар уонна буспут рискэ булкуйуллар. Бэлэм тиэстэни уон өлүүгэ арааран баран, икки ытыска хачыайдаан шарик оҥоһуллар уонна чараас гына төгүрүк форманан бөлүөгүнэн тэнитиллэр. Ити тэнитиллибит чараас тиэстэ биир өттүгэр фаршы ууруллар уонна тиэстэ аҥарынан холбуу бүүрүктүү тутуллар. Бүк тутуллууну биилкэ тиистэринэн баттаан ойуулуохха сөп. Кулинарнай сыалаах итии хобордооххосандалыны буһарыллар. Бу бэрэскини кытары пиалаҕа эт хоргуннаах миини баһан биэрэр ордук табыгастаах. Ынах арыытын эмиэ туһаныахха сөп. Эт хоргуннаах миинигэр туус, луук, биэрэс кутуллар.

И.И. Тарбахов "Эн остуолун сахалыы астара". Якутскай - 1991.