Буспут эт

Эти бөдөҥнүү быһан баран тымныы ууга сууйуллар, онтон көстөрүүлэҕэ уган баран итии туустаах уунан кутуллар. Туруору тууһаныахтаах. Сөп буолбутун кэннэ атын иһиккэ көһөрөн, сабыылаах тутан, сойутуллар. Кырбастаан баран тымныы ас быһыытынан бэриллэр.

Ыһаары эт

Эти кыра гына чараастык быһыллар. Сыалаах буоллаҕына, ону тарҕата быһыҥ. Үрдүгэр тууһу табыгынатыллар. Ититиллибит сыалаах хобордооххо кырбастаммыт хортуоппуйу уонна луугу кытта эргитэ сылдьан ыһаарыланар. Итиилии бэриллэр.
 

Ошурки

Ис сыатын кыра гына кырбастыыллар. Онтон хобордооххо ититэн ууллараллар. Ууллубут сыатын атын иһиккэ кутуллар, оттон сыа хоруотун - ошурканы килиэби эбэтэр лэппиэскэни кыттасииллэр. Оҕолорго ошурканы саахардыыллар.


Кучи

Бу - эһэ суон очоҕоһуттан халбаһыы. Очоҕоһу дэлби сууйан, ыраастаан баран тиэриллэр. Сөп буолар гына бысталаан баранүчэһэҕэ тиһэллэр. Кутаа уотугар сырайан эбэтэр сыалаах итии хобордооххо ыһаарылыыллар. Ардыгар уокка ыыһыыллар. Итиилии сииллэр.

"Саха сирин норуоттарыне астара" 1991. "Кыраһа". Сэтинньи-ахсынньы ыйдар. 1994.