Куобах этин мииннииллэр уонна соккуойданыллар. Соркуойу бэлэмниир буоллахха сылгы эбэтэр сибиинньэ этин булкуйуллар. 

1 килограмм куобах этин соркуойдуурга 0,5 килограмм сылгы эбэтэр сибиинньэ этэ. 75 грамм кулинарнай сыа, туус, биэрэс, чеснок ики - үс араҥата, ыстакаан аҥара сүөгэй, ыстакаан уу бэлэмнэниллэр. Куобах этин кыра кэрчиктэргэ эбэтэр хол - буут арааран баран, кэтит эркиннээх чугуун иһиккэ угуллар. Сылгы эбэтэр сибиинньэ этин бытархай гына кырбаныллар уонна бииргэ соркуойдана ууруллар. Ууну, тууһу иһит түгэҕэр кутуллар, бэлэмнэниллибит сыаны эбиллэр уонна ыга хаппахтаан соркуойданар. Соркуойдана ууруллубут куобах уонна эбилик эттэр сүмэһиннэрэ таҕыстаҕына бурдук таммалатыллар, кырбаныллыбыт чесноктанар. Соркуой тумата хойдуутугар сүөгэй ктуллар. Соркуой үөһэ өттүгэр арыы дагдайан таҕыстаҕына буһарыы тохтотуллар, хортуоппуйу, гречканы гарнир быһыытынан биэриэххэ сөп.

И.И. Тарбахов "Эн остуолун сахалыы астара". Якутскай - 1991.