Биир курупааскыны бу ньыманан буһарыыга:

• ыстакаан 1/4 сүөгэй,
• бурдук,
• туус,
• кулинарнай сыа наада буолар.

Буһарыыга анаан ыраастаныллыбыт курупааскыны салфетканан сотуллар уонна салгыҥҥа сытыара түһэллэр. Сүөгэйгэ булкуйуллан хойуу гына охсуллубут тиэстэнэн тас өртүн сотуллар. Тэҥ гына кулинарнай сыанан, эбэтэр арыынан сотуллубут миискэҕэ угуллар, эбэтэр итии духовкаҕа буһара туруоруллар. Буһарыы кэмигэр курупааскыттан тахсыбыт сүмэһини сотору-сотору ньуосканан баһан курупааскы үрүт өттүгэр тэҥ гына тарҕата кутуллар. Курупааскы үрүт өттө биир тэҥник саһарчы бустаҕына буһарыыны тохтотуллар. Остуолга итинник буһарыллыбыт аһылыкка эбии сибиэһэй хаппыыста салаатынотонноон ууруллар.

И.И. Тарбахов "Эн остуолун сахалыы астара". Якутскай - 1991.