Сылгы хаһата биһиэхэ ордук күндүркэйэр аһылык быһыытынан биллэр. Убаһа да, улахан сылгы да хаһатын арааран ылан баран целлофан тэлгэтиллибит лииһигэр хаһа форматын алдьаппакка тэниччи ууран тоҥоруллар.

Тоҥмут хаһаны сытыы быһаҕынан чараас гына кырбаныллар. Хаһаны лэппиэскэни кытары арыы оннугар остуолга ууруллар.

Хаһаны тууһунан уонна хара биэрэһинэн икки өттүн сыбаан баран рулеттыы эрийэн тоҥоруохха эмиэ сөп. Итинник тоҥоруллубут хаһаны чараас гына кырбаан бэриллэр. Рулеттыы эриллибит хаһаны хас да сиринэн баайан баран, туустаах оргуйа турар ууга (мөлтөх уокка) буһаран сиэниллэр. Итинник буһарыллыбыт хаһаны хоторон баран, быатын сүөрбэккэ эрэ, сөрүүн сиргэ туох эмэ ыараханынан баттата ууруллар. Буспут уонна сойутуллубут рулеты чараас төгүрүк гына быһыллар уонна оҕуруот күөх үүнээйилэрин тумалаан бүлүүдэҕэ ууран остуолга аҕалыллар.

И.И.Тарбахов “Эн остуолун сахалыы астара”, “Якуткига”, 1991.