Туох наадата:
- Ынах бүөрэ - 600 г.
- Ынах арыыта - 40 г.
- Бурдук - 40 г.
- Луук - 1 улахан эриэппэ
- Лавр лииһэ
- Лимон - 2 өлүү
- Күөх от тума (сөбүлүүргүтүнэн ханнык баҕарар)
- Туус
- Саахар - 1 ост.нь.
- Биэрэс
Астаныыта:
Бастаан бүөрү тымныы ууга сууйун, онтон чараас бүрүөһүнүн хахтаан баран 3-4 чааска тымныы ууга сытыарын. Ол кэнниттэн уутун уларытан баран буһараҕыт.Төбүрэҕин холбуйан иһин. Уу оргуйаатын кытары уоттан таһааран уутун уларытын. Бу сырыыга бүөргүтүн туустаах, сылаас ууга буһарын. Саахардыыбыт уонна 45 мүнүүтэ буһарабыт. Онтон бүөрбүтүн ороон ылан кырбастыыбыт, бэйэтин сүмэһинигэр 3 мүнүүтэ ыһаарылыыбыт (хаппахтаах иһиккэ). Онтон арыы эбэн баран өссө 8 мүнүүтэ ыһаарылыыбыт. Онно икки өлүү лимону (сиэмэтин ылан баран) быраҕабыт, лимон оннугар быыкаа кислотаны туттуохха сөп.
Луугу бүтүннүү буһаран баран илдьи ньыһабыт. Бурдугу арыыга ыһаарылыыбыт, итии уунан убатабыт (саламаат курдук) онно луукпутун эбэбит, тэптэрэ түһэн ылабыт. ити тахсыбытсоуспутунан бүөрбүтүн саба кутабыт уонна күөх от туманан киэргэтэн баран дьоммутун күндүлүүбүт.
"Кыым" хаһыаттан. Сэтинньи 23 күнэ 2006 сыл.