Быары харыстыыр оттор: уһун девясил силиһэ, дөлүһүөн отонноро, зонтиктаах золототысячник, пижма сибэккилэрэ туһаныллаллар.
Бу оттор иһэлийии процеһын тохтотоллор. Быарга гликогены элбэтэллэр, клеткалары саҥардан-чэбдигирдэн гепатиттан уонна циррозтан көмүскүүллэр. Бу оттор чэй курдук көөнньөрүллэллэр. Биир ыстакаан итии ууга 1 остолобуой ньуоска кутуллар. Ыстакаан үс гыммыт биирин күҥҥэ үстэ аһыах иннинэ иһэллэр. Икки-үс нэдиэлэ эмтэниллэр.
Тянь-Шань хайатыгар олохтоох отоһуттар ыараханнык саһарардаабыт киһини хайаҕа үүнэр отторунан эмтээн аҕыйах хонугунан атахтарыгар туруорар эбиттэр.
"Кыым" хаһыат. Тохсунньу 18 күнэ 2007 сыл