Илиин тириитин көрүнэргэр суораты туттар - саамай туһалаах ньыма. 2 остолобуой ньуоска суораттанбулкадаһыгы бэлэмниигин. 1 сымыыт уонна биир улахан ньуоска мас арыыта. Барытын булкуйаҕын уонна илиигэр соттоҕун.

Бу илиин тириитин олус үчүгэйдик сымнатар уонна хаҕыламмыт тириигин суох гынар. Симиэһи 20-25 мүнүүтэ илиигэр тутаҕын, ол кэннэ итии уунан суунан кэбиһэҕин.

Сааһырдаҕын аайы дьахтарга, эр дьоҥҥо тириилэригэр мэҥ (бээтинэ) тахсар. Маныаха эмиэ суорат көмөлөөх.
Дьиэтээҕи суоратынан мүөттээх утах оҥороҕун (1 ыстакаан суоракка - 1 остолобуой ньуоска мүөт). Бу утаххын нэдиэлэ устата сарсыарда уонна киэһэ иһэҕин.
Тыҥыраҕын алдьаннаҕына, бу ньыма эмиэ олус туһалаах.

Илиигэ тахсар бээтинэни дьиэтээҕи суоратынан, луук сүмэһининэн маҥхатыаххын сөп. 1 кыра ньуоска луук сүмэһинин уонна 2 кыра ньуоска суораты булкуйаҕын. Симиэһи илин бээтинэтин тула утуйарын саҕана соттоҕун уонна сарсыарда биирдэ суунаҕын.

Дьиэтээҕи суораты маннык оҥоруохха сөп:
1. Пастеризацияламмыт үүккэ сүөгэй кутаҕын: 1 лиитэрэ үүккэ - 2 ост. ньуоска сүөгэй.
2. Пастеризацияламмыт үүккэ 10 кыра ньуоска суорат эбэҕин (1 лиитэрэ үүккэ). Дьиэтээҕи суораты оҥоруох иннинэ үүккүн кыратык сойутаҕын.

"Кыым" хаһыат. От ыйын 5 күнэ. 2012 сыл. Лена Иванова, Маша Горохова.