А битэмиин тиийбэт буоллаҕына – батах өҥө өлбөөдүйэр, туруга мөлтүүр, харах тулатынааҕы тирии быһыта  барбыт курдук буолуон сөп.

В2 битэмиин тиийбэтэҕинэ – киһи тириитэ, дьабадьыта хайа барар, Бу битэмиин уотурбаҕа, пиибэ доруоһатыгар уонна ынах сүөһү быарыгар, сүрэҕэр баар.

Д битэмиин – уһун уһнньуктаах  кыһын кэмигэр  күн уота тиийбэтиттэн үөскүүр.Баттах өҥө мөлтүүр, быһыта барар.

В6 – кыһын устата  эт аһылыгы олус элбэҕи сиэн, киһи  организма  мунньуллубут белогууонна сыаны кыайан ситэ  буһарбатын түмүгэр , араас ыарыыга ылларыан сөп. В6 битэмиин  уҥуох ыарыытыттан – көҕүс уонна  сүһүөх  ыарыыларыттан харыстыа.

Е битэмиин тийбэт буоллаҕына  - киһи мэлдьи тымныйа сылдьар, сыыҥк-сыраан буолар. Ол аата организмҥа цинк, алтан тиийбэтин туоһута. Е битэмиин уонна биотин тиийбэт буоллаҕына – дерматит, араас тирии сүһүрүүтэ, кытарыыта, хатырыыта саҕаланар. Онуоха Е битэмиини кытта В битэмиин  бөлөхтөрө: биотин, рибофлавин (В2) пиридоксин (В6), ниацин (В3) уонна цианокобаламин (в 12) көмөлөһөр.

В битэмиин бөлөхтөрө өссө организмҥа гемоглобин бигэтийиитин уонна саҥакилиэккэлэр  үөскүүллэрин хааччыйар.

А уонна  Д битэмииннэр  эт-хаан  бааһырыытын  оһорорго, сирэй мырчыстыытын  көннөрөргө  көмөлөөхтөр. А, Д, Е, С, итиэннэ биофлавоноидтаах битэмииннэр киһи организмыгар  коллаген  үөскүүрүгэр көмөлөһөллөр уонна эрдэ сааһырыыттан харыстыыллар.

Саха ыалын халандаара - 2012 сыл