Элэктэриичистибэҕэ оҕустарбыт киһи иҥиирэ олус күүрэн хаалан, аһаҕас боруобаттан кайан арахса охсубат. Маннык түбэлтэҕэ, бастатан туран кинини уот ситимиттэн араарар наада.
Ыксаан, сыгынньах илиигинэн түһэн, бэйэн хаптарбат крдук, тута пробканы (рубильнигы) араара охсуохтааххын эбэтэр атаҕын анныгар эрэһиинэ ковригы. мас дуосканы дуу, халыҥ сону быраҕаат, онно үктэнэн туран аҥаар илиигинэн киһигин арааран ыларга дьулуһаҕын, эбэтэр эрэһиинэ бэрчээккэлээх тардаҕын. Букатын туох дасуох буоллаҕына, аҥаар илиигиттэн таҥаһыттан тардан туран, мас тоһоҕонон, дуосканан да буоллун, быһата уоту аһарбат малларынан киһигин араара сатыыгын. Ол туран хайаан да иккис киһини көмөҕө ыҥыран хаһыытыахтааххын. Кини төһөнөн Суһал көмө эмчиттэрин ыҥырар да, оччонон ордук. Уот дьайыытыттан арыый да аматык эмсэҕэлээбит киһи кутталыттан мээнэ сүүрэн хаалыан сөп.Тута уоскутан. кыаллар буоллаҕына, сылаас ууну иһэрдэр ордук. Уҥмут буоллаҕына, нашатырканы сытырҕалатан, тымныы ууну саба ыһан өй киллэрэллэр. Уокка сиэппит буоллаҕына, ол сири ыраас биинтэни испииргэ эбэтэр буоккаҕа илитэн саба тутуллар. Уокка оҕустаран, кыайан тыыммат буоллаҕына "айах-айахха" ньыманан тыын киллэриллиэхтээх.
Саха ыалын халандаара - 2012