|
.
|
|
Билигин
сайтка 6 киһи
баар
|
БYГYН: Мүөттээх сиик түһэр. Сүмэһин таһаарар үүнээйи аһылыктаах үөн - көйүүр тиллэр, ыам кумаара түһэр.
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Туус туһунан
Биллэрин курдук, олус туустаах аһы аһыырын доруобуйаҕар буортулаах. Өссө тууһу "Белая смерть" дииллэр. Төрүт да тууһа суох олоруохха сөп диэччилэр эмиэ бааллар. Ол да буоллар туус дьиэҕэ куруук баар буолара ордук. Хаһаайыстыбаҕа, эмтэнэргэ туһаныахха сөп.
- Өскөтүн төбөҕүт ыалдьар буоллаҕына эбэтэр төбөҕүтүн өлөрдөххүтүнэ, ыалдьар сиргитигэр туустаах уксуус кэмпириэһин туттаххытына, ыарыы түргэнник ааһыа.
- Тиискит ыарыйдаҕына, туустаах уунан сайҕанын.
- Аһылыкка сүһүрдэххитинэ, эмиэ туустаах уунан куртаҕы сайҕыахха сөп эбит.
- Тигээйи тиктэҕинэ, кумаар ытырдаҕына, туустаах ууга илийбит таҥаһы тутун.
- Былыр арамачыыска ыалдьар сирдэрин маннык сурадаһыны оҥостон соттоллоро: биир улахан ньуоска туус, 200 гр. мүөт, 100 мл. буокка, 50 мл. эриэппэ сүмэһинэ.
- Гириэлкэҕэ туустаах ууну куттахха, сылааһын өр тутар.
- Атаххыт тиритэр буоллаҕына, туустаах ууга 15-20 мүн. тутан баран сайҕаан - туһалыаҕа. 100 гр туус (муора тууһа) ордук, 1 л. ууга.
- Муора тууһун бааннаҕа кутун уонна 15-20 мүн сыттаххытына, ыйааһыҥҥыт лаппа түһүөн сөп. Манна 1 киилэ муора тууһа эбэтэр көннөрү туус эрэ наада. Кырата 15 төгүл сытыахха наада.
- Үрүҥ хоппуруон таҥаскыт хараардаҕына. туустаах ууга хоннорун, оччоҕуна саҥатыгар түһүө.
Ангелина Кузьмина. "Кыым" хаһыат. Олунньу 23 күнэ 2012 сыл.
Суруйда Baaska. 2012-02-26 15:12:29 +10.
|
|
^ Үөһээ
|
|
|