Оҕо да, улахан да киһи улахан ыарыыттан, этин температурата сиэрэ суох үрдээһиниттэн, улахан сүһүрүүттэн, о.д.а. биричиинэттэн тартарар түбэлтэтигэр бэйэн долгуйуо, куттаныа суоххун наада.

Тартарыы аҕыйах сөкүүндэттэн саҕалаан уонча мүнүүтэ, ардыгар онтон да уһун кэмҥэ саҕаланыан сөп. Киниэхэ эн көмөн наадатын өйдүөхтээххин. Тартарар киһи хараҕын үрүҥүнэн көрөр. Айаҕыттан күүгэн тахсыан сөп. Тута бырааһы ыҥырыллыахтаах. Киһигин ойоҕоһунан сытыараҕын. Тииһин хам ытыран, тылын антах ыйыстан кэбиспэтин диэн, дьоҕус таҥаһы, холобур, былатыагы да буоллун, суулуу тутан, алын, үөһээ тиистэрин арааран угуллар. Бэлиэр хам ытырбыт буоллаҕына, хайаан да айаҕын атытан, тылын бэтэрээ аҕала сатыахтааххын. Маныаха сэрэхтээх буоларын наада: тарбаххын быһа ытырыан сөп. Тартарыы хаста да хатыланыан сөп. Ол бириэмэтин өйдөөн хаалыахтааххын. Кэлбит бырааска ити иһитиннэрии олус наада.

Саха ыалын халандаара - 2012