Эһэ үөһүн куурдан, хатаран эмкэ туттууга, бэлэмнээһиҥҥэ икки ньыма баар.
Бастакы ньыма - салгыҥҥа хатарыы. Үөс хабаҕын ылан сэрэнэн сыатыттан, хааныттан - сииниттэн ыраастыыллар уонна оһоҕоско түһэр салаатыттан быаҕа баайан кыһын дьиэҕэ, сайын күлүк, сөрүүн сиргэ ыйаан кэбиһэллэр. Ити курдук 20-30 күн уута көтүөн диэри туруораллар. Тутан көрдөххө пластилин курдук буоллаҕына, тэнитэн биэрэллэр. Ол эрээри бу ньыманы булчуттар соччо ахсарбаттар, уһуннук харайыыга тоҕо эрэ аҥаарыттан аҥаара хаалар дииллэр.
Иккис ньыма. Тибетскэй "классическай" ньыма. Үөс хабаҕын ылан салаатын төрдүнэн быһан, кыра иһиккэ үөһүн сүүрдэн ылаллар уонна бытааннык оргуталлар. Үөс хойуннаҕына уоттан ылан сойута уураллар. Бу кэмҥэ үөс хабаҕын кичэйэн сыатыттан, этиттэн ыраастыыллар, иһинээҕи бүрүөһүнүн эрэ хааллараллар, сэрэнэн имитэн куурдаллар. Ол ууналыы сылдьар мөһөөччүккэ куурбут, кытааппыт үөһү иһиттэн кыһыйан ылан төттөрү куталлар уонна хаптаччы баттаан баран баайан кэбиһэллэр. Ыйааһына 30-50 г. тэҥнэһэр.
Саха ыалын халандаара - 2012