Учуонайдар эиэллэринэн, хатаал тахсыыта киһи тугу аһыырыттан тутулуктаах.
Сүрүннээн, араас химическэй састаап эбиликтээх чипсыны, сухаарыны сииртэн, элбэх гаастаах утаҕы иһэртэн тахсар үһү.Хатаал тахсыбатын наадатыгар:
Аһыыр ас иҥэмтиэлээх, "натуральнай" састааптаах буолуохтаах: үүт, эт, балык, фрукта, оҕуруот аһа, бурдук ас, тэллэй.
Олус элбэҕи сиир сыыһа. Аһы кыра-кыралаан аһаныллыахтаах. Холобур, 1 киилэ клубниканы сиэбитин кэннэ сарсыныгар-өйүүнүгэр 100-кэ тиийэ хатаал тахсан "эҕэрдэлиэн" сөп. Хатааллаах дьон икки нэдиэлэ устата бурдук аһы уонна цитрустаах фруктаны сиэбэтэхтэринэ тириилэрэ ырааһырыан сөп. Боруобалаан көрөөрүн эрэ!
Кофе туһатын уонна буортутун туһунан элбэҕи суруйаллар. Кофе, чахчы, кортизол диэн стреһи утары гормону оҥорон таһаарар. Ол оннугар онтун "үтүөтүн" хатаалы таһааран "төлүүр". Минньигэс, саахардаах, бурдук ас түргэнник ыраастаммат, ол иһин тута тириигэ ааһар.
Хатаал тирии сыатын оҥоронтаһаарар рецептордар үлэлэрэ мөлтөҕүттэн тахсар. Хас биирдии сыалаах рецептор хайаҕастаах. Ол хайаҕаһынан тирии сыата таска тахсар. Өскөтүн хайаҕас бүөлэнэн хааллаҕына сыа кыайан тахсыбакка ириҥэ үөскүүр. Хатаал - бэлэм.
"Кыым" хаһыат. 2010 сыл кулун тутар 4 күнэ. Автора суруллубатах.