Киһи гриптээтэҕинэ температурата тахсар, төбөтө, этэ-сиинэ ыалдьар, сөтөл киирэр, муннун уута сүүрэр. Ыарыы үрдүк кыраадыһынан, күүстээх тымныйыынан саҕаланнаҕына түргэнник ааһар.

Ыалдьан эрэргин биллин да, тута хойууну сымнатар (слабительное) эмп иһиэххэ уонна күүскэ тиритиэххэ наада. Онуоха липа, мята эбэтэр малина сүмэтин иһэҕин, бэйэҕин тула итии уулаах бытыылкалары ууран баран үчүгэйдик саптан сытаҕын. Оччоҕуна түргэнник уонна күүскэ тиритэҕин.

Гриптэн көмүскэнэргэ норуот ньымата: теркаҕа орто кээмэйдээх сиикэй луугу илдьиритэҕин, биир бытыылка сылаас оргуйбут үүтү кутаҕын уонна 20 мүнүүтэ сылаас сиргэ туруораҕын. Маны киэһэ утуйуох иннинэ иһиллэр. Бүтүн бытыылканы кыайан испэт киһи, бытыылка аҥаарын киэһэ, аҥаарын сарсыарда, хайаан да итиилии иһиэн сөп. Итинник хас да күн, грипп толору ааһыар диэри эмтэниллэр.

Саха спордун халандаара - 2009