Диеталаах уонна эмтиир - бохсор эмп быһыытынан биллэр. Хортуоппуй сүмэһинэ куртах-оһоҕос бааһыгар, гастрикка, сүрэх-тымыр ыарыыларын хаптатарга туһалаах. Оһоҕос үлэтин тупсарар. Хортуоппуйу сууйаллар, түөркэлииллэр уонна сибиэһэй сүмэһини аһыахтарын чаас аҥаарын иннинэ 2-3 нэдиэлэ устата күҥҥэ 2-3 - тэ иһэллэр.

Хортуоппуй паарын тыынан боруонха - тыҥа тымныйыытын эмтииллэр.

Бүтэйдии, хахтаммакка буспут хортуоппуйга битэмиинэ элбэх. Үрдүк дабылыанньалаах дьон "мундирдаах" буспут хортуоппуйу хахтары баҕастары сииллэр. Ол гынан баран көҕөрбүт хортуоппуйу буһарар, сиир ончу сатаммат.

Геморройу түөркэлэммит сиикэй хортуоппуйунан эмтэниллэр. Чүмэчи курдук оҥорон киэһэ утуйуох иннинэ уктуллар. Күн өрүү-өрүү 30 мүнүүтэ оҥостуллар. Уонча хонугунан туһата чахчы биллэр.

Төбө ыарыытын эмтииргэ сиикэй хортуоппуй сүмэһинин күҥҥэ 1-2 ыстакааны 1/4 иһиллэр. Доруобай дьоҥҥо хортуоппуй сүмэһинэ эмиэ наада. Киһи этин - хаанын ыраастыыр, элбэх минеральнай тууһу хааччыйар. Ол иһин күүс-уох киирэр.

Уоска тымныйыы бааһа (герпес) таҕыстаҕына, хортуоппуй паарынан эмтииллэр.

Төбөҥ ыарыыта ааспатаҕына, 2 остолобуой ньуоска хортуоппуй сүмэһинин 3-4 нэдиэлэ устата аһыаҥ чаас аҥарын иннинэ ис.

"Кыым" 6.10.2011. Туйаара Сиккиэр