Тиис 37%кальцийтан, 19% фтортан турар. Бу элеменнар аҕыйах буоллахтарына, тиис кэбириир. Киһи силигэр кальций уонна фтор 1:4 баар буолуохтаах. Ону хайдах ситиһиэххэ?
Бастатан туран, ийэ оҕото иһигэр сырыттаҕына, битэмииннээх, минераллардаах иҥэмтиэлээх аһынан аһылыктаныахтаах. Оскуолаҕа киирэ илик саастаах оҕо күҥҥэ 800 мг кальцийга наадыйар, обургу оҕо - 1400мг. Ол иһин оҕолорго элбэх үрүҥ аһы, творогы, балыгы халадьыаһы, уҥуох миинин иһэрдиэххэ наада. Киһи этэ - сиинэ 25 сааһыттан ылата кальцийы иҥэриниитэ аччыыр.
Кариеһы сүнньүнэн стрептококк микроба үөскэтэр диэн быһаараллар. стрептококк саахары олус сөбүлүүр. Кини тиис эмалын алдьатар, тиис иһин сиир.
Тиис суунар паастаны ый аайы уларытар ордук. Ол курдук, биир ый - фтордаах, иккис ый - кальцийдаах, үһүс ый - гигиеническэй, төрдүс ый - фтордаах уонна кальцийдаах паасталары туһанын.
Халандаар - 2007