Кыһыммыт тымныы тыына илгийэн биллэр буолла. Дьон-сэргэ күһүҥҥү таҥаһын өс хоту устубакка тоҥо-тоҥо кэтэ сылдьар үгэстээхтэр. Ол иһин дьыл уларыйыытыгар тымныйан сыҥсырыйа сылдьар киһи үгүс буолар. Кинилэргэ даҕаны, чэгиэн сылдьар дьоҥҥо даҕаны сүбэ-ама биэрэбит.

Гриби, тымныйыыны сэрэтэргэ бастатан туран репчатай луук уонна чеснок үчүгэй. Кинилэри норуокка “натуральнай антибиотик” диэн ааттыыллар. Тымныйыы бастакы бэлиэтэ – төбөҥ, күөмэйиҥ ыарыйдаҕына итии мүөттээх чэй, эбэтэр оргуйбут итии үүтү суодалаан иһэҕин. Ханнык баҕарар ыарыыга С витамины сүбэлииллэр. С витамин киһи иммунитетын бөҕөргөтөр. Ол иһин итии лимоннаах чэй эмиэ олус туһалаах буолуоҕа.
Грипптэн харыстанар буоллаххына сарсыарда, киэһээ муннугун оргуйбут сылаас уунан сайҕана сырыт. Ыарыы киирбитин биллэххинэ оксолиновай мааһынан муннун иһин сотун.Итиэннэ муннуга куттар хаапылалар эмиэ туһалыахтара. Аптекаҕа атыыланар муннуга куттар хаапыла оннугар бэйэн оҥорбут эмин ордук туһалаах буолуоҕа. Ол курдук сибиэһэй чесноктан эбэтэр лууктан ыган ылбыт согу үүтү кытта булкуйан муннуга хаапыланан таммалатаҕын.
Ыалдьар киһиэхэ элбэх уута иһэрдин, ханнык баҕарар отон уута үчүгэй. Аһыы, перецтээх астары сиирэ куһаҕан.
Итиэннэ киһи үөрэ-көтө эмтэнэр ньымата баанньыкка суунуу буолар. Билигин үгүс ыал бэйэлэрэ баанньыктаахтар. Онон саас. Сайын хаһааммыт хатыҥ хойуу сэбирдэхтээх лабааларынан эккин күүскэ паардана-паардана охсуннаххына грипп да, тымныйыы да эн организмҥар киириэ суохтара.

Биллибэт хаһыат кырыллыыта