• Иҥиир хоҥуннаҕына, хаан туран истэҕинэ "тоҥуунуулар". Онуоха 3, 5, 7 иннэни тымтыктан төбөлөрө кыратык быгар гына олордоллор, уонна ыалдьар сиргэ даҕайан хаан бырдьыргыар дылы дөлбү таһыйаллар. Тириитэ лоппойдоҕуна, кытардаҕына үчүгэйдик оһордор.

• Айыы эмтиир сылааһа иҥпит илиилээхтэр илбийэн эмтииллэрэ. Ол курдук кыра оҕоҕо киин тахсара диэн баара, үөһээ, аллараа салаата тахсар диэччилэр. Ону имэрийэн киллэрэр этилэр уонна биэстээх алтан харчыны саба тутан хам баайан кэбиһэллэрэ.

• Түөн уураллара: иҥиир, быччыҥ, силгэ хоҥнуутугар, ньиэрбэ ыарыытыгар, харах үрдүк баттааһыныгар, хаан туруутугар (иһэлийиигэ, дарбайыыга), искэҥҥэ, өр оспот бааска, баас сэтэриитигэр, "көрөр" ыарыыга, сис быстыытыгар, көнө оһоҕос тахсыытыгар (геморройга) уо.д.а. Түөн ото диэн кыа отун ааттыыллара. Уоттаах тааска хататынануот саҕаллар, онуоха кыым окко түһэн, сүрдээх бытааннык сыыйа буруолаан өр умайар, ону мэлийэннэр сып сымнаҕас баата курдук оҥороллор.
•  

Чөл буолуу кистэлэҥнэрэ. Халандаар - 2010