Ньиэрбэ ыарыытын илии күүһүнэн имэрийэн, илбийэн, кымаахтаан, кыыл сыатынан оҕунуохтаан уонна алҕаан эмтииллэрэ.
Алгыс тыл көмөтүнэн аал уот иччитигэр айах тутан эмтииллэрэ. Уот иччититтэн таттарыылаах отоһут "кыыбаҕа абааһы" уо.д.а. киирбитин үүрэрэ, дьаҕарытара, угуттуура уонна оҕунуохтаан, илбийэн эмтиирэ үһү.
Хаанныыр отоһуттар төбөҕө, сискэ, онтон да атын сиргэ хаан туруутун хайытан баран, сүөһү муоһунан оборон ылаллара. Хара хаана бүттэҕинэ, хаана сырдаатаҕына биирдэ тохтууллара.
Төбө ыарыытын биир төрүөтүнэн тымныйыыттан куйаха уҥуохха сыстара буолар. Киһи тоҥноҕуна хаана сойор, хойдор. Маны хаанньыттар оборон ыраастыыллар. Урут итинник ыалдьар дьахтар харыстанан, халыҥ былаат иһинэн куобах түүтүн саба тутан баанара, биитэр сайыннары салгыны, тыалы киллэрбэт халыҥ түү бэргэһэлээх буолара. Төбөтүгэр туох эрэ лоппойо сылдьар буоллаҕына, баттаҕы сүүмэхтии тута-тута, эмискэ күүскэ тардан, хоҥнороллоро, ол аайы хоҥнор тыаһа "лас-лас" гынара.
Чөл буолуу кистэлэҥнэрэ. Халандаар - 2010