Эбир күн күүскэ тыгар кэмигэр: ордук саас уонна сайын тахсар. /.../ Ону суох гынар бэрт судургу эрээри, улахан туһалаах сүбэлэри биэрэбит. Манна, бастатан туран, үүнээйи олус туһалыыр.

• 3 аспирин таблеткатын бытарытабыт уонна биир ыстакаан кефирга булкуйабыт. Бу сурадаһынынан утуйуох иннинэ ый устата чараас гына соттобут. Бу ньыма эбирдээх кыргыттарга эрэ буолбакка, сирэйдэрэ хатааллаах, өлбөөркөй бээтинэлээх дьоҥҥо эмиэ көмөлөһөр. Маны таһынан тириилэрин маҥхатыан баҕалаах кэрэ аҥардар эмиэ туһаныахтарын сөп.
• Туустаах хаппыыста уутун туһанан, эбири суох гыныахха сөп. Тууһаммыт хаппыыста уутугар салфетканы эбэтэр маарылланы илитэбит. Онтубутунан күн аайы сотто сылдьабыт. Ордук сарсыарда уонна киэһэ соттор туһалаах.
• Сибиэһэй оҕурсу уутун ыгабыт. Итиннэ кыраадыстаах аһыы утаҕы кыратык таммалатабыт. Биир икки күн сөрүүн сиргэ туруорабыт. Сурадаһын аһыҥас сыттаах буолуо. Салпыаккаҕа илитэн баран күн аайы 15 мүнүүтэ сирэйбитигэр тутабыт. Биир-икки эрэ күн буолбакка ый кэриҥэ соттуохха наада. Оччоҕо эрэ түмүгэ көстөр.
• Петрушканы оргутабыт.Сойбутун кэннэ кыра иһиттэргэ кутан баран халадьыынньыкка тоҥоро уурабыт.Тымныы мууһунан сирэйбитин соттобут. Бу ньыма тириини бэккэ ыраастыыр, сынньатар.

Билигин кириэм арааһа, бары көрүҥэ баар. Ол эрээри онтубут 3-5 тыь солк тиийэр. Онон киһи мыыммат сыаналаах.Харчыны бараабакка, хармааны чарааһаппакка эрэ бу курдук судургу ньымалары туттуохха сөп. Итиэннэ бэйэ үүннэрбитэ туох да буортута, куһаҕан дьайыыта суох буоллаҕа.

Диана Клепандина хомуйуута. "Кыым" хаһыат 2015 сыл от ыйынт 16 күнэ.