Үөн-көйүүр тиллэр кэмэ - сайын. Кылгас сайыммытыгар араас үөҥҥэ көйүүргэ ытыттаран эрэйдэнэбит, итилэри суох гынар туһуттан баарбытын-суохпутун барытын туран биэриэх курдук буолабыт.

Өскөтүн тигээйи тиктэҕинэ, кумаар ытырдаҕын норуот сүбэлэрин туһаныҥ: 

• Үөн ытырбыт сиригэр подорожник сэбирдэҕин эбэтэр петрушканы тутун. Испитин суох гыныа, ыарыыны мүлүрүтүө.
• Олус кыһыйар уонна аһыйар буоллаҕына, иигинэн соттун.
• Алтан төбө сэбирдэҕин сууйан баран эмиэ туттуохха сөп.
• Вероника диэн эмтээх үүнээйини оргутан иһин.
• Петрушканы ностуойка оҥоруохха сөп. Лиитэрэ аҥаара итии ууга 5-6 петрушканы суурайын. Сылааһын тутар гына тиэрмэскэ кутан хонноруҥ.
• Аһыаххыт иннинэ к;ҥҥэ үстэ ыстакаан 1/3 биирин иһин. Петрушка уута ис уорганнары ыраастыыр, аллергияны, кыһыыны тохтотор.
• Эриэппэ луугу төгүрүк гына быһан баран үөн ытырбыт сиригэр 10 мүнүүтэ тутун.
• Үөн ытырдаҕына суода эмиэ бэккэ туһалыыр. Суодаҕа аҕыйах хааппыла уута таммалатан баран маарыллаҕа суулаан уонна испит сиригэр уурун.
• Испитин тардыа. Кумаар ытырбыта олус кыһыйар буоллаҕына, эмиэ суоданы туттуохха сөп.
• Хайаларыттан да саамай судургу сүбэ - тиис суунар пааста. Тиис суунар паастанан чараас гына соттун.

Диана Клепандина хомуйуута. "Кыым" хаһыат 2015 сыл от ыйынт 16 күнэ.