|
.
|
|
Билигин
сайтка 2 киһи
баар
|
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Тыл ыарытыйыы сибикитин туоһулуур
Тыл киһи ис туругун уорганын сиэркилэтэ буолар. Тыл дьүһүнэ уларыйбыт, кытарбыт, сорох сиринэн испит, сурааһына туора барбыт, тыл хатыыта тэҥэ суох буоллаҕына, киһи туга ыалдьарын билиэххэ сөп.
- Доруобай тыл кубархай кыһыл дьүһүннээх, сурааһына көнө, хатыыта тэҥ буолар.
- Тыл төбөтүгэр сурааһын өҕүллүүтэ моой тоноҕоһу кытта силбэһиитэ сиэниллибитин туоһулуур. Өр олорон үлэлииртэн үөскүүр.
- Тыл ортотугар сурааһын өҕүллүүтэ - өттүк тоноҕоһу кытта силбэһиитэ сиэниллибитин туоһулуур.Бу ыарыынан ордук суоппардар ыалдьаллар. Тоноҕос ыалдьыбатын туһугар сотору сотору хамсанар-имсэнэр наада. Бокуйан ылыы, чохчойуу, төбөнү уҥа-хаҥас иэҕэҥнэтии-судургу эрээри олус туһалаах хамсаныылар.
- Тыл төбөтө кытарара - сүрэх үлэтэ мөлтөҕүн туоһулуур.
- Тыҥа ыарыытын тыл кытыытыттан быһаараллар. Сүрэх уонна тыҥа ыарыытынан үксүн табахсыттар ыалдьаллар.
- Таҥалай уонна тыл саһарыыта быар, үөс ыарыытын көрдөрөр.
Саха ыалын халандаара - 2015 сыл.
Суруйда Baaska. 2015-01-17 00:38:03 +09.
|
|
^ Үөһээ
|
|
|