Тиэстэ састааба:

• 2 улахан ньуоска какао бороһуога
• 50 мл мас арыыта
• 100 мл үүт
• 1,5 ыстакаан бурдук
• 1 ыстакаан саахар
• 1 сымыыт
• 1 улахан ньуоска тиэстэ көбүтэр (разрыхлитель)
• ньуоска аҥаара суода
• 100 мл оргуйа турар уу

Кириэмҥэ:

• 300 мл сгущенка
• 1 улахан ньуоска какао бороһуога
• 200 гр ынах арыыта

Киэргэтиигэ:

• 50 гр сакалаат
• "Трюфель" сакалаат-кэмпиэт

Бэлэмнээһинэ:

Сымыыты саахары кытары миксэринэн ытыйабыт, салгыы мас арыытын кутан биэрэбит. Бурдугу, какаону, суоданы, тиэстэ көбүтэри холбуубут. Тиэстэҕэ үүт кутабыт. Булкуйа-булкуйа мааҕыҥҥы маассабытын бытааннык кутан биэрэбит. Ол кэнниттэн оргуйа турар уу кутабыт уонна түргэнник булкуйабыт.

салгыы 20 см диаметрдаах иһиккэ кутабыт. Иһит түгэҕин арыынан сыбыыбыт эбэтэр анал кумааҕы тэлгиибит. 200 кыраадыстаах духуопкаҕа сөп буолуор диэри буһарабыт (40 мүнүүтэ кэриҥэ). Буспутун-сиикэйин испиискэ көмөтүнэн билиэххэ сөп. Бискибиити тэһэ астахха кураанах буоллаҕына - ас буспут. Сакалаат-бискибиити сэрэнэн остуолга уурабыт уонна 2 эбэтэр 3 чааска үллэрэн быһабыт.

Арыыны, сгущенканы уонна какаоны мииксэринэн мэһийэн кириэм оҥоробут. Кириэммитин кичэйэн сыбыыбыт уонна бэйэбит баҕабытынан киэргэтэбит.Холобур, кэмпиэтинэн уонна сакалаат кыырпахтарынан.

"Кыым" хаһыаттан. 2012 сыл ахсынньы 20 күнэ. Иванна МАРИНА хомуйан таһаарыыта.