Сакалаат ким баҕарар настарыанньатын көтөҕөр уратылаах. Онон сакалааттаах минньигэс бүлүүдэлэри астааһын төрөөбүт күҥҥэ, олоххор буолар сабыытыйаны бэлиэтииргэ саамай табыгастаах.
Састааба (17х17 иһиккэ сөптөөх):
- 200 г. бэчиэнньэ (сакылааттаах буолуон сөп).
- 50-70 г. ынах арыыта.
- 500 г. мороженай (пломбир эбэтэр крем-брюле)
- Миндаль эриэхэтэ эбэтэр фундук.
Үрдүгэр сыбыыр глазурьга анаан:
- 100 г. "сгущенка"
- 100 г. хара сакылаат.
- 1 ост ньуоска саахар
- 1/3 кыра ньуоска ынах арыыта
- Быһах төбөтүгэр ваниль.
Бэчиэнньэни мясорубканан бытарыт. Ынах арыытын уулларан бэчиэнньэҕин кытта үчүгэйдик булкуй. Олус хойуу эбэтэр тохто сылдьар буолуоо суохтаах.
Буһарыахтаах иһитин түгэҕин, ойоҕосторун ити маассаҕынан тэҥнээн тэлгэт. Ол кэннэ 20 мүнүүтэҕэ халадьыыльнык тоҥороругар уур. Ол кэннэ ол "иһиккэр" мороженайгын тэҥнээн кутан баран, аны 2 чааска тоҥоро уур.
"Сгущенканан" уонна сакылаатынан булкуйан глазургун оҥор. Мороженайын үодүгэр халыччы кутан тэҥнээн биэр. Глазурь мороженайы кытта түргэнник тоҥор, онон сып-сап туттуохха наада. Ол кэннэ туоркун 30-40 мүнүүтэҕэ эмиэ тоҥоро уураҕын.
Ыалдьыттаргын аһатыаҥ иннинэ кыраламмыт миндалынан эбэтэр фундугунан үрдүн киэргэт уонна 10 мүнүүтэҕэ хос тэмпэрэтиирэтигэр туруора түс.
Мороженай - туоркун кыракый иһиттэргэ үллэрэн кут. Ньускаҕын итии ууга уган ыла - ыла куттаххына сыстаҥныа суоҕа. Үрдүгэр эриэхэлэргин умнума.
"Кыым" хаһыаттан Кулун тутар 8 күнэ 2012 сыл.