• 1,2 кг баахыланы буһарарга:
• 850 грамм бурдук
• 3 ыстакаан үүт
• 1 ыстакаан буспут уу

• 100 грамм саахар
• 2 устуука сымыыт
• Туус
• Баахыла тимирин оҕунуохтуурга - кулинарнай сыа.

Баахыла тиэстэтэ син эмиэ алаадьы тиэстэтин курдук оҥоһуллар. Ол эрээри, алаадьы тиэстэтинээҕэр арыый хойуу буолар.

Баахыланы буһарыыга саха уустара анаан оҥорбут тимирдэрэ туһаныллар. Баахылатимирин газовай оһох төлөнүгэр эбэтэр билиитэ оһох чоҕор эрдэ сылытыллар. Сылыйбыт халыып тимири аллараа өртүнкулинарнай сыанан оҕунуохтаныллар уонна бэлэмнэниллибит тиэстэнибаһан ылан, халыып алларааҥҥы сыҥааҕа сөп буоларынан кутуллар. Ити кэнниттэн халыып үөһээҥҥи сыҥааҕын оҕунуохтаан баран уокка ууруллар. Буһарыы эргитэ сылдьан ыытыллар. Буспут баахыланы халыып тимириттэн ылан туруору сойута ууруллар.Буһарыы процеһа салгыы эмиэ этиллибитин курдук барар. сойута ууруллубут баахыла кытыытын кыптыыйынан эбэтэр сытыы быһаҕынан быһыллар. Баахыланы аһылык ханнык баҕарар бүлүүдэлэрин кытта туһаналлар. Сахаларга баахыланы кэһиигэ анаан оҥоруу баар. Кыынньарыллыбыт ынах арыытыгардьэдьэн куталлар уонна онно баахыланы кырыытынан туруору симэн тоҥоруллар. Ити кэһиигэ анаммыт биир күндү аһылык буолар. сорохтор "суорҕаннаах" баахыланы, алаадьы кэһиилэнээччилэр. Баахыланы эбэтэр алаадьыны анал иһиккэ дьаптайа уураллар. Ол үрдүгэр кыынньарыллыбыт арыыны куталлар. Ити кэнниттэн иккис-үһүс дьапталҕаны оҥороллор. Хас дьапталҕа ахсын кыынньарыллыбыт арыы кутуллан иһиэхтээх.

И.И. Тарбахов "Эн остуолун сахалыы астара". Якутскай - 1991.