Өбүгэлэрбит бурдугу ыһар буолуохтарыттан ыла саха сандалыта араас аһынан байбыта. Олортон биирдэстэринэн мииҥҥэ кутуллар лапса буолар. Маны соҕурууттан аҕалыллар бэлэм бородууксуйаттан арааран, "саха лапсата" диэн ааттыыбыт уонна сүрүннээн кус, куобах этин миинигэр кутабыт.
1 ыстакаан бурдугу 2 устуука сымыыкка булкуйан, онно чаайынай ньуоска аҥаара туус эбэн, сөбүгэр хойуу тиэстэни охсон мэһийэллэр. Сымыыт курдук төгүрүтэн баранмиискэнэн саба уурантуруора түстэххэ, тиэстэ сымнаҕас буолар. 10-15 мүнүүтэнэн тиэстэни, сыстыбатын диэн бурдуктуу - бурдуктуу, скалканан хатайдаан, чараас гына хаптатабыт.
Рулет курдук төгүрүччү суулаан баран, синньигэстик быһыталыыбыт. Бэйэ бэйэтигэр сыстыспатын диэн бурдугар былаан сахсатабыт. Бытаан уокка 10-15 мүнүүтэ буһарабыт.
МИННЬИГЭСТИК АҺААН! 
"Чөл буолуу кистэлэҥэ - 2010" Халандаар.