Састааба:

• 1 паачыка кефир эбэтэр аһыйбыт үүт
• 1 чаайынай ньуоска  суода
• 0.5 чаайынай ньуска туус
• бурдук

Кефири нэлэгэр миискэҕэ кутабыт уонна суода эбэн баран, күүгэнириэр диэри булкуйабыт, ытыгынан ытыйыахха сөп. Ол кэннэ туус уонна бурдук эбэн, бастаан ньуосканан, онтон илиинэн сымнаҕас гына мэһийэбит.  Кыратык сытыара түһэбит, онтон бөлүөҕүнэн 2-2.5 см гына тэҥниибит. Биилкэнэн үрдүн тэһитэ кэйэн баран, духуопкаҕа уган саһарыар диэри буһарабыт. Духуопка аанын мээнэ арыйбакка, кыратык аппатан көрүөххэ сөп. Таһааран баран, арыынан үрдүн сотон ылабыт уонна сотторго суулаан туруору ууран сойутабыт. Бу тиэстэни арыыга буһарыахха эмиэ сөп. Олус минньигэс буолар. Онуоха тиэстэни арыый чараастык 0.7-1 см гына тэҥниибит, биилкэнэн тэһитэ кэйэбит уонна квадрат гына бысталаан баран, мас арыытыгар ыһаарылыыбыт.

Саха аныгы ыалын сандалыта. В.Г.Сивцева. Бичик 2013