Састааба:

• 1 ыстакаан сибиэһэй эбэтэр аһыйбыт үүт
• Ыстакаан аҥаара оргуйбут уу
• 10 г суода
• 3 ыстакаан бурдук (биирдэрэ хара бурдук)
• 10 г туус

Үүтү, ууну, тууһу уонна суоданы холбуу булкуйаҕыт. Ити кэннэ бурдугу кутан, түргэн туттуунан тиэстэ кытаатан, илиигэ сыстыбат буолуор диэри мэһийэбит. Мэһиллибит тиэстэни хаппахтаах иһиккэ 15-20 мүнүүтэ туруорабыт. Ити кэнниттэн ытыс тилэҕинэн баттыалаан, 1.5 см халыҥнаах лэппиэскэ оҥоробут. Сирэй өттүн сүөгэйинэн эбэтэр үүтүнэн сотобут .Ол кэнниттэн биилкэнэн дьөлүтэ анньан ойуулуубут. Духуопканы орто температуратыгар туруорабыт. Буһарыы уһуна 20-25 мүнүүтэ. Буспут лэппиэскэни духуопкаттан таһааран ойоҕоһунан уран сойутабыт.

Саха аныгы ыалын сандалыта. В.Г.Сивцева. Бичик 2013.