• Кымырдаҕас уйа туттар сирэ - дьоллоох, ол сиргэ дьиэ тутуннахтарына - дьоллоохтук олороллор.
• Быт, кулакы, таракаан, ыстаҥалас, сахсырҕа, ньаалаҕай үксүүрэ - үчүгэйгэ, байарга.
• Ооҕуй дьиэ иһигэр ситимнэнэрэ - үчүгэйгэ.

• Кэҕэ дьиэ күрүөтүгэр олорон кукууктуура - өлүүгэ-сүтүүгэ.
• Дьоллоох киһи кукаакы оҕотун булар.
• Суор, элиэ сүөһү турар сириттэн арахсыбата - сүөһү дьаҥҥа өлөрүгэр.

• Атырдьах ыйа кураан буоллаҕына, күрэх буолуо диэн күрэх туутун, сандаатын бэлэмнииллэр.
• Күһүн балаҕаҥҥа киирэр ыйга хаар, самыыр, тыал, тымныы буоллаҕына, киирии хааһа ыгыллан кэлэр, бултаах күһүн буолар.
• Дьогдьоот күһүн буоллаҕына - көтөр үөһэнэн ааһар.

Күнү утары сылдьар салгын сүүрээнин олооһун диэн ааттыыллар. Кини сайыҥҥы өттүгэр ардаҕы, кыһынын хаары аҕалар.

Олооһун кэмигэр соҕуруулуу арҕаанан күүстээх тыал түһэр. Салгын баттааһына кыччыыр. Уу тыына күүһүрэр. Ол иһин ый туналыйар, күн "ууланар".

• Кырдьыбат өр үйэлээх киһи бэлиэтэ: хаана - сиинэ үчүгэй араҕас, чэпчэки, куҥа-таһа үчүгэй.
• Түүлээх киһи, уһун астаах (баттахтаах) дьахтар дьоллоох буолаллар.
• Кыыс, дьахтар кэтэҕин ньирэй аһа хойуу буоллаҕына - үгүс оҕолоох буолар.
• Дьахтар баттаҕа эмискэ уһуура - эрдэ өлөрүгэр.