Күнү бата түһэр салгын сүүрээнэ - орохсуйуу буолар. Орохсуйууга хотугулуу илиҥиэн тыалырар. Салгын сүүрээнэ аллараанан сылдьар. Өр кэм устата салгын сүүрээнэ биир сиринэн орохтонор, онно тохтоон ылыан сөп. Орохсуйуу оту - маһы куурдар, хатарар. Салгын баттааһына улаатар.

Көстөр дьүһүнүнэн:

• Кырдьыбат, өр үйэлээх киһи бэлиэтэ: хаана сиинэ үчүгэй араҕас, чэпчэки, куҥа-таһа үчүгэй.
• Түүлээх киһи, уһун астаах дьахтар дьоллоох буолаллар.
• Кыыс, дьахтар кэтэҕин ньирэй аһа хойуу буоллаҕына - үгүс оҕолоох буолар.

• Оһоххо умайа турар мастан чох кыырайан түстэҕинэ - ыраахтан ыалдьыт кэлэр.
• Оһох уотуттан чох ыстанан түһэхтэригэр түстэҕинэ, уот иччитэ Эһэкээн тугу көтөхтөрдөҕөй диэн, сойутан баран айахтарыгар чугаһатан чупчуруйаллар.

• Ыт түүн буолла эрэ уһуннук эҥээритэн улуйар буоллаҕына, куһаҕаны биттэнэр, улуйан абааһыны сирдээн ыҥыран аҕалан ыарыыны-сүтүүнү оҥорор.
• Уохтаах ыт түүн дьиэни эргийэ сылдьан ырдьыгыныы-ырдьыгыныы үрдэҕинэ, үчүгэй ымыылаах ытынан ааҕыллар.
• Ыт кыбыылаах окко сытан, ииктиир-саахтыыр буоллаҕына, сүөһү-ас үчүгэйдик туран сыл тахсарга.

• Ынах сүөһү мунна тыаһыыр,-сыҥыргыыр буоллаҕына уонна хараҕын уута чаккыраан таммалыыр буоллаҕына, ынах ытаата - иччитэ ыалдьаары дуу, өлөөрү дуу гыннаҕа диэн тойоннууллар.
• Ынах сүөһү да, сылгы да сайын эрдэттэн туох түбэһиэх титириги эҥин сиир буоллаҕына, от үүммэт, куһаҕан сут дьыл кэлэригэр.