|
.
|
|
Билигин
сайтка 4 киһи
баар
|
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Быстах-быстах итэҕэллэр
"Кутталлаах" идэлээх дьон (мотуруостар, летчиктар, спортсменнар, артыыстар, суоппардар, студеннар уо.д.а.) бары кэриэтэ тутуһар үгэстээхтэр
Студеннар: - Бачыыҥкан иһгэр 5 солкуобайы уктан киирдэххинэ, "5" сыананы ылыаҕын.
- Экзамен буолар күнүн үүнүүтэ (12 чааска) түннүккүн аһан баран, зачеткаҕын далбаатана-далбаатана: "Халява ловись!" диэн хаһыытаатаххына, экзамеҥҥар табыллыан.
- Сессия кэмигэр зачеткаҕын кимиэхэ да көрдөрүө суохтааххын.
- Сыттыгын анныгар экзамен билеттарын уктан утуйдаххына, сарсыныгар "өй эбиллиэ".
- Экзамен туттара баралларыгар суумматтар, ороннорун хомуйбаттар. Баттаххын сууннаххына "өйүн сыысчаана" көтөн хаалыа. Сорохтор тахсаары туран, кэннилэринэн хааман иһэн суолларыгар саахар табыгынаталлар.
Артыыстар: - Өлбүт киһи оруолун оонньуур буоллахтарына, бу эпизоду түргэнник бүтэрэ охсорго, эбэтэр күлэн-оонньоон аһаран кэбиһэргэ кыһаллаллар. 2006 с. Андрей Краско диэн артыыс ("Питер ФМ", "9 рота", "Турецкий гамбит" киинэлэргэ уһуллубута) Сергей Урсуляк "Ликвидация" диэн киинэтигэр уһулла сылдьан, охтон түспүт да, сүрэҕэ тохтоон өлөн хаалбыт. Кинини кытта бииргэ уһуллубут Владимир машков кэпсииринэн, бу иннинэ аҕай Краско геройа өлөр эпизодун устубуттар. Тоҕо эрэ бары дьиҥнээх курдук ытаан-соҥоон. курутуйан туран, эргитэн аҕала аҕала өр да өр оонньообуттар. Сөп түбэһии эрэ дуу, эбэтэр?..
- Оонньуохтаах спектакылын сценарийа сиргэ түстэҕинэ, хайдахтаах да маҥан көстүүмнээх буол, ол үрдүгэр олоро түһээт эккирээн ылыахтааххын.
Спортсменнар: - Олимпийскай чемпионка, фигуристка Татьяна Навака хаҥкытын хайаан да хаҥас атаҕыттан кэтэр.
- Гроссмейстер Александр Азаров улахан күрэхтэһиилэргэ уонтан тахса сылы быһа наар биир эрэ хаалтыһы баанар. Ити курдук үгүс спортсменнар кыайыыны аҕалбыт таҥастарын ытыктыыллар, ымыы оҥостон кэтэллэр.
Мотуруостар: - Швабра муораҕа түһэрин олус аньыырҕыыллар. Хараабыл малын-салын атын хараабылга уларыстахтарына - табыллыыларын, дьоллоох айан битин "уларсан" кэбиһэллэр үһү. Өссө аһыыр иһит умса түһэрин эмиэ сөбүлээбэттэр.
Ангелина Васильева суруйуута. "Эдэр Саас" хаһыаттаню. 31.01.2007.
Суруйда Baaska. 2013-01-22 16:13:03 +10.
|
|
^ Үөһээ
|
|
|