Дьөгүөрэйэп күн (ыам ыйын 6 күнэ) тымныы буолар
Дьэбдьэкиэйэп күн (кулун тутар 14 күнэ) хотуттан, арҕааттан тыалырар, хаар түһэр.
Киргил эрдэ (тохсунньу саҥатыгар) торулуур.
Көтөрдөр быстах-быстах кэлэллэр, уонна үөрдэрэ аҕыйах буолар.
Куобах хойутаан түүлүүр.
Курупааскы хааһа эрдэ кытарар.
Кус этэ эмис буолар.
Күһүҥҥү сарсыарда үргэл хойутаан киирэр.
Кымырдаҕас уйатын хаара саас күн көрөр өттүттэн ирэр.
Ньургуһун аанньа үүммэт, үрүмэччи аҕыйах буолар.
Саас тоҥот туруйата хаһыытыыр.
Сааскы сарсыардаҕа хаар чооруостара дьиэ таһыгар элбэхтик мусталлар.
Суор эрдэ, тохсунньуга сымыыттыыр.
Сылгы кыһын сотору-сотору хахсайар.
Туллуктар саас эрдэ кэлэллэр, тэлгэһэттэн ырааппаттар.
Тураах саас эрдэ кэлэн баран саҥарбат, соҕотоҕун соҥуоран сылдьар.
Тураах саҥата дааҕырҕас буолар.
Тыыраахылар кэлэн баран төттөрү көтөллөр.
Үөт күһүн эрдэ кырыарар.
Ырыа чыычаах (маҕаас чыычаах) эрдэ ыллыыр.
Сосин Иннокентий Михайлович. Күн-дьыл билгэтэ. Дьокуускай: "Бичик" - 2010.