Ардахтаах күһүн буоллаҕына, эһиилигэр хаардаах саас буолар.

Отон элбэх күһүнүгэр кыһына тымныы, сааһа тыала-кууһа суох кураан буолар.

Тииттэр, онтон да атын мастар  хойуутаан хагдарыйдахтарына, күһүн өтөрүнэн кэлбэт.

Тураах үрдүк маска олорор буоллаҕына, дьогдьоот дьыл, сотору кэминэн ардах да, хаар да түспэт кэмнэрэ буолуохтаахтар.

Хараҥаччылар күһүн дойдуларыттан хойуутаан бардахтарына, кыһын хойуутаан кэлэр, эрдэ бардахтарына, кыһын эрдэлиир.

Чыычаахтар сайын хойуутаан (атырдьах ыйын ортотун диэки) үөрдээтэхтэринэ, күһүнэ хойуутуур.

Ыам ыйа ардахтаах буоллаҕына, балаҕан ыйыгар кураан буолар.

Сосин Иннокентий Михайлович. Күн-дьыл билгэтэ. Дьокуускай: "Бичик" - 2010.