Көтөрдөр уйаларын уу чугаһыгар оҥостоллор.

Күн кыһын эрдэттэн үөһэнэн (кээмэйин таһынан) устар.

Күн үрдүктүк күөрэйэр. 

Күн үрдүктүк, халлаан оройунан эргийэр.

Кыһын чараас хаардаах уонна тымныы буолар.

Моҕотой киһиттэн куттаммат буолар.

Ньаалаҕай аҕыйах буолар.

Ньургуһун саас эрдэ тахсан иһэн кэхтэр.

Ойбон кыһын быһаҕас тоҥор уонна сотору сотору уолар.

Саас ооҕуй ситимэ элбэхтик көтөр.

Сэбирдэх күһүн сирэйинэн үөһэ түһэр.

Тиит мутукчата иинэҕэс буолар.

Тойон ыҥырыа киҥнэнэр: от уһун курааҥҥа куурар-хатар, мүөтэ, саахара аҕыйыыр.

Тойон ыҥырыа саас эрдэ тиллэр.

Тоҥ хаар түһэр.

Тоҥсоҕой хойуутаан, олунньуга торулуур.

Тураах саас арҕаа диэки хайыһан дааҕырҕыыр.

Уоттаах чолбон сарсыарда үргэллиин алтыһар.

Уоттаах чолбон халлаан сырдыыта тахсар.

Үрэх тарыҥа күһүнүн үллэр.

Хаар саас түүн үөһүгэр диэри ууллар.

Харас сэбирдэҕэ эрдэ тыллар, сибэккилэнэр.

Хаһыҥ күһүн хойукка диэри түспэт.

Чөкчөҥө уйатын дулҕа үрдүгэр туттар.

Ый сырыыта кыһынын үрдүк буолар.

Этиҥ саас илиҥтэн этэр.

Эһэ арҕаҕыттан, моҕотой хороонуттан эрдэ тахсаллар.

Сосин Иннокентий Михайлович. Күн-дьыл билгэтэ. Дьокуускай: "Бичик" - 2010.