Чаһы 12 оҕустаҕына баҕа санааҕытын барытын санаан, барыта туолуоҕа.
12 чаас буолуон иннинэ дьахталлар санныларыгар былаат эбэтэр саал быраҕыналлар, 12 кэнниттэн түргэн баҕайытык быраҕан кэбиһэллэр. Бары ыарыылар, куһаҕан санаалар ааспыт сылга хааллынар диэн.
Өскөтүн кыыс Саҥа дьыл түүн тарбаҕын алҕас өлөрдөҕүнэ (тугу эрэ кырбыы туран) эбэтэр кыратык быһаҕынан таарыйан хаан таһаардаҕына саҥа үүнэр сылга кэргэн тахсар.
Тохсунньу 1 күнүгэр ыарахан, кирдээх үлэни оҥоруман, оччоҕо сылы быһа киргэ буккуллуоххут, куруук ыараханы соһо сылдьыаххыт.
Бу күн дьиэҕитин хомуйуман. муостаны харбааман, сууйуман, бөҕү тоҕуман - ночоот, хоромньу сылы быһа батыһа сылдьыа.
Тохсунньу 1 күнүгэр мастар хойуу кырыаламмыт, хаһыҥнаммыт буоллахтарына - сыл үүнүүлээх буолуо, суох буоллаҕына - аччык сыл кэтэһэр.
Саха ыалын халандаара - 2012