2012 сыл охчуттарга саамай табыгастаах уонна дьоллоох буолуо, хаһан да быһаарыллыа суох курдук кыһалҕалар быһаарыллыахтара. 

Охчуттар олус үлэһит, толоругас дьон, онон олохторугар ситиһиилээх буолуохтарын сөп. Өскөтүн бу хаачыстыбаларыгар хорсун, быһаарыгныылаах булууну уонна өрө көтөҕүллүүнү эптэххэ. Этиллибитин курдук охчуттар үлэлииргэ үөрэнэллэрэ наадата суох. Кинилэр ханнык баҕарар ыарахан үлэни хаачыстыбалаахтык оҥороллор. Үлэтэ суох сатаммат дьон. 2012 сыл эһигиттэн үлэһит, түмсүүлээх буолууну ирдээбэт, бу эһиэхэ баар. Үлэҕитигэр сытыы, булугас өй, быһаарыныы, бэйэ санаатын өйдөтүү, итэҕэтии, бииргэ үлэлиир дьону кытта үлэлээһин, дьону кытта үчүгэй сыһыан туһалаах буолуо. кэлэр сылга ханнык баҕарар уларыйыы эһиги өттүгүтүгэр буолуо. ол эмиэ бэйэҕититтэн тутулуктаах. Уларыйыаххытын, олоххутун тупсарыаххытын баҕарар буоллаххытына үтүө түмүктээх буолуо.

Дракон сылыгар охчуттар олохторугар олус элбэх көрсүһүүлэр баар буолуохтара. Онон араас мунньахтар, бииргэ үлэлээһин сөбүлэҥэ эҥин табыллыахтара. Үлэҕитинэн ыраах айаҥҥа сылдьыаххыт. Онтон биир айан эһиги тус олоххутун тосту уларытыан сөп. Тапталлааххытын көрсүөххүт. Кэргэннээх охчуттар атын имэҥнээх сыһыаҥҥа ылларан көссүүлэстэххитинэ, дьиэ кэргэҥҥит ыһыллар кутталлаах.Төбөҕүтүнэн толкуйдаан дьиэ кэргэн сыанатын өйдөөтөххүтүнэ уонна харыстаатаххытына, тус олоххут иллээх, дьоллоох буолуо. Онон чугас дьоҥҥутугар эппиэтинэстээхтик, харыстабыллаахтык сыһыаннаһын.Бастакытынан, эһиги эмиэ истиҥ сыһыаҥҥа, дьиэ кэргэн өйөбүлүгэр наадыйаҕыт. Харчы өттүтүгэр сүтэрии, барыс киириитэ суох.Ол эрэн, оҥорон таһаарыыга харчы уктаххытына эбэтэр улахан тугу эрэ атыыластаххытына үп киириэн сөп. Ити курдук, охчуттар олохторо хаачыстыбалаах буоларыгар кыһаллаллар. Ол туһугар сүүрэллэр-көтөллөр, үлэлииллэр-хамсыыллар.

"Орто Дойду" хаһыат. 22.12.2011.