Кэлэр сылга ыйааһын бэлиэлээхтэр санаалара карьера уонна дьиэ кэргэн боппуруостарыгар түмүллүө. Бу сыл эһиэхэ үчүгэйи эрэ түстүө. Ордук айар куттаах дьон табыллыахтара.
Өскөтүн эһиги болҕомтоҕутун, күүскүтүн-уоххутун үлэҕитигэр, тулалыыр эйгэҕэ уурдаххытына, кэлэр сыл барыстаах, үтүө түмүктээх, интириэһинэй буолуоҕа. 2012 сыл тоҕоостоох түгэнин барытын туһанын, соччото суохха болҕомтоҕутун ууруман. Ыйааһыннарга дьиэ кэргэн уонна үлэ биир кэккэҕэ турар. Үлэҕитигэр - хамнаскытыгар хаһааҥҥытааҕар да сымнаҕас, тыл тылга киирсэр, сөпкө былааннанаргыт ирдэнэр.
Үөһэ этиллибитин курдук, кэлэр сыл айар куттаах, дьонтон ураты көрүүлээх-истиилээх дьоҥҥо үчүгэй буолуо. Онон айар дьоҕургутун арыйын. Үлэҕитигэр араас интириэһинэй, уустук бырайыактары оҥорун, тэрээһиннэри ыытын. Тойоҥҥутугар саҥа идеята кэпсээн - хайаан да өйүө. Үлэҕитин сөбүлээбэт буоллаххытына, бэйэҕит дууһаҕыт сытар үлэтин булун. Саҥа коллективка түргэнник бэйэ киһитэ буолуоххут, күһүҥҥэ дылы куһаҕана суох хамнастаныаххыт уонна аптарытыаттаныаххыт. Үөрэнэргэ, квалификацияны үрдэтэргэ, билиини-көрүүнү хаҥатарга табыгастаах сыл үүнээри турар. Оччоҕо карьераҕыт сайдыа, эбэтэр сүрүн үлэҕитин уларытыаххыт. Бэйэҕин көрдөр, тулалыыр дьону кытта холкутук кэпсэтэ үөрэн. Ыйааһыннар бэлиэҕи этэ сылдьарын курдук, улахан быһаарыныыны ылынарга үгүстүк саарбахтыыгыт. Ол иһин, Дракон сылыгар саарбахтааһынтан босхолонор тоҕоостоох. Бэйэни туттунуу, туруоруммут сыалы-соругу ситиһии, эһиги олоххутун үчүгэй өттүгэр уларытыа. Кыһалҕалар, кыра моһоллор быһаарыллан истэхтэринэ бэйэҕит да соһуйуоххут.
"Орто Дойду" хаһыат. 22.12.2011