Саҥа сыл кыыс бэлиэлээхтэргэ улахан хоромньута, кэлэйиитэ, санаа түһүүтэ суох ааһыа.

Өскөтүн эһиги фортунаны бэйэҕит илиигитигэр ылбатаххытына, улахан ситиһии эмиэ күүппэт. Уопсайынан 2012 сыл дьоллоох сыл буолуоҕа. Ол эрэн, кэлэр сылтан барыһы, эмискэ харчы кэлэрин күүтүмэ.Бэйэҕит үөрэнэргит, дьоҕургутун сайыннараргыт сөптөөх. Оччоҕо саҥа үлэ, үөрэх сылын бэлэм көрсүөххүт, кыһалҕалары быһаарарга мөлтөх санааланар сатаммат.

2012 сылга атынг дьону кытта билсиигэ, кэпсэтиигэ улахан болҕомтону уурун. Тоҕо диэтэххэ, кэлэр сылга үгүстүк муударай сүбэҕэ, доҕоттор  өйөбүллэригэр наадыйыаххыт. Саҥа саҕалааһыннары эрэллээх доҕоттору кытта арыйар ордук. Соҕотох син биир кыайыан суоҕа. Үлэҕэр туох баар кыаххын, талааҥҥын арыйа сатаа. Оччоҕо бииргэ үлэлиир дьоҥуҥ эн дириҥ ис дууһаҕын, дьоҕургун таба көрүөхтэрэ, сыаналыахтара. Ирдэбиллээх буолуҥ, бэйэҕин сыаналаа, эппиккин-туппуккун ыһыктыма. Иирсээҥҥэ кыттыһа сатаама, киэҥ көҕүстээх буол, үлэҕин ыспат туһугар сымнаҕас майгылан. утумнаах, сыаллаах-соруктаах буоллаххытына, 2012 сыл биир саамай ситиһиилээх сыл буолуо. Тоҕо диэтэххэ, харчыттан ураты атын сыаналаах өйдөбүлү: аптарытыат, үрдүк статуһу, инникигэ кэскили бэлэхтиэ. Тус олоҕу умнар сатаммат. Сулумах сылдьар кыргыттар, уолаттар ыал буолар дьолу билиэхтэрэ. Иллюзиянан олорр сыыһа. Дракон сыла солуута суох буолууну сөбүлээбэт. Кэлин кэмсиммэт туһугар тапталлааххытыгар толору эрэнимэн. Ол эрэн, аҥаргытын истиҥ сыһыаҥҥытынан, тапталгытынан үөрдэ турун, өйөбүл буолун.

"Орто Дойду" хаһыат. 22.12.2011